Özbəkistanda “Nizami Gəncəvi ili”nin rəsmi açılışı keçirilib

18 Fevral, 16:13 Sosial mediada paylaşın:

2021-ci ilin Nizami Gəncəvi ili elan edilməsi ilə əlaqədar  ölkə hüdudlarından kənarda da silsilə tədbirlər həyata keçirilir. Layihə çərçivəsində dahi şairin həyat və yaradıcılığı daha ətraflı tədqiq edilərək, geniş auditoriyaya çatdırılır. 

Özbəkistandakı Heydər Əliyev adına Azərbaycan Mədəniyyət Mərkəzi Nizami Gəncəviyə həsr olunan silsilə tədbirlərin rəsmi açılış mərasimini keçirib. Tədbirdə elm, təhsil, mədəniyyət xadimləri, müəllimlər və tələbələr iştirak ediblər. Qonaqlar sırasında Özbəkistan Milli Elmlər Akademiyası, Yazıçılar İttifaqı, “Özbəkistan-Azərbaycan” Dostluq Cəmiyyətinin rəhbərləri, jurnalistlər də olub. Layihə çərçivəsində şairin “Yeddi gözəl” əsərindən reproduksiyalar və özbək dilində çapdan çıxan əsərləri təqdim olunub. Şagirdlərinin əl işlərindən ibarət sərgi də  nümayiş etdirilib. Açılış mərasimində Qarabağın milli qadın və kişi geyimlərinin təqdimatı iştirakçıların böyük marağına səbəb olub. Həmçinin Özbəkistanın tanınmış makom ustası, dosent Davron Kadırovun Nizaminin əsərlərindən ibarət çıxışıda  qonaqların diqqətini cəlb edib. Tədbir çərçivəsində Mədəniyyət Mərkəzinin “Azərbaycan qızları” rəqs ansamblının üzvləri milli rəqslərimizi ifa ediblər.

 

Gülnaz Hacıyeva

CANLI YAYIM