Asiya muzeylərində böyük maraqla qarşılanan və satış rekordu qıran  “Döyüşçür” rəsm əsəri dünyaşöhrətli rəssam Jan-Mişel Baskiyanın fırçasına aid olan qeyri-adi tablo...

Neo-ekspresionizm cərəyanın görkəmli nümayəndəsi, küçə incəsənəti sahəsində şöhrət qazanmış Jan-Mişel Baskiya... Cəmi 28 il ömür sürmüş afro-ameriklı rəssam əsərlərində irqi ayrı-seçkilik, zənginlik və yoxsulluq kimi düşündürücü mövzulara toxunaraq, burjua həyatını qorxmadan tənqid edib... Avropa təfəkkürünə məxsus gözəllik anlayışına meydan oxuyan sənətkar  “Tac”, “Baş”, “Viktor”, “Boksçu, “Başlıqsız” kimi əsərləri ilə parçalanma, yadlaşma, tənhalıq motivlərinə toxunub, eləcə də, müstəmləkəçiliyin bütün eybəcərliklərini öz çılpaqlığı ilə nümayiş etdirməkdən çəkinməyib. Son dövrlərdə rəssama dünya şöhrəti qazandıran ən məşhur əsəri isə “Döyüşçülər”dir. “Hamımız döyüşçüyük” şüarı ilə tamaşaçıları ruhlandıran tablo  Asiyada satışa çıxan “ən bahalı Qərb təsviri sənət nümunəsi” olmağa namizəd göstərilib. Avtobioqrafik elementlərin üstünlük təşkil etdiyi rəsmdə sənətkar yenilikçi, nikbin duyğularını dilə gətirib. İlk dəfə 1983-cü ilədə Tokioda nümayiş olunan əsər, bir müddət Nyu Yorkda saxlanılıb. Bu ilin martında isə Honk Konq muzeyində satışa çıxarılacağı planlaşdırılır. Muzey rəhbərliyindən  verilən məlumata görə,  tablonun 30-40 milyon dollara satılacağı güman olunur. 

Nəzrin Əzizli