Nyu-Yorkda virtual dəb həftəsi başlayıb

16 Fevral, 12:56 Sosial mediada paylaşın:

Pandemiya ilə əlaqədar virtual təşkil olunan Nyu-York dəb həftəsinin ilk günündə Tadaşi Şocinin kolleksiyası nümayiş olunub. Yaponiyalı dizaynerin yeni libasları sadəliyi və elaqantlığı ilə diqqəti cəlb edib.

Qırmzı rəngə boyanmış səma, qurumuş tənha ağac, sındırılımış royal, qırılmış çılçıraq... pandemiya səbəbilə virtual təşkil olunan Nyu York dəb həftəsinin ilk nümayişi məhz bu cür dekorasiyada təqdim edilib. Yapon əsilli amerikalı dəb dizayneri Tadaşi Şoci 2021-ci ilin payız-qış kolleksiyasını boz, tünd qəhvəyi, qırmızı, zoğalı, narıncı və tünd göy rənglərin palitrasında hazırlayıb. Qədim döyüşçülərin zirehlərindən ilhamlanan modelyer bu dəfə geyimlərində geniş çiyinlərə, uzun əlcəklərə, ornamentli parçalara, tulum və kostyumlara üstünlük verib. Zərif və eleqant ziyafət libaslarının müəllifi Tadaşi Şoci akksesuar kimi daş-qaşlardan hazırlanan maska, zinət əşyaları, eləcə də, metal və zəncir detallı bəzəkləri ilə diqqəti cəlb edib. Sərt kəsimləri, kobud formalı dırnaq elementləri Tadaşinin yeni kolleksiyasında qadın gücünü və xarakterini göstərən maraqlı nüanslardır. Fevralın 18-nə kimi davam edəcək Nyu York dəb həftəsində Becli Mişka, Blands və Ceyson Vu kimi modelyerlərin də  yeni kolleksiyaları nümayiş olunacaq.

CANLI YAYIM