Moskvada Azərbaycanlı heykəltəraşın sərgisi nümayiş olunub

14 Fevral, 12:46 Sosial mediada paylaşın:

Rusiyada azərbaycanlı heykəltəraşın əsərlərindən ibarət sərgi sənətsevərlərə nümayiş etdirilib. Unikal ekspozisiyada silah nümunələri diqqəti daha çox cəlb edib…

Moskvanın Ruarts qalereyasında Azərbaycanlı heykəltəraş Aydın Zeynalovun "Müşahidəçi" adlı sərgisinin açılışı olub. Mədəniyyətlərarası ünsiyyət mövzusuna həsr olunan ekspozisiyada 17 bürünc əsər və heykəltəraşın şəxsi arxivindən silah fotoşəkilləri nümayiş etdirilib. Salonda həmçinin milli xalçaçılıq sənətimizə aid nümunələr də sərgilənib.

Aydın Zeynalov sərgi barədə təəssüratlarını bildirib: "Mən bu sərgimi müharibəyə həsr olunmuş ekspozisiya kimi qiymətləndirməzdim. Bu sərgi gündəlik həyatımızdan və deyərdim ki, sakit reallığımızdan bəhs edir.Bu gün sərgidə təqdim olunan ekspozisiya pandemiyadan əvvəl həm də italiyada nümayiş etdirilmişdi.Bundan başqa,sərgidə silahlarla bəzədilmiş xalca da təqdim olunub.Ümumiyyətlə milli ornametli xalçalarımız olmaqla xalçaçılıq sənəti də mənə yaxındır".

Aydın Zeynalov öz əsərlərində faciə düşüncəsini əks etdirməklə yanaşı, hərbi münaqişələrin psixofiziki patologiyalarına diqqət yetirir. Heykəltəraşın müəllifi olduğu əsərlər sərgi ziyarətçilərinin marağını cəlb edib.

 

Zakir Musayev, Gülnaz Hacıyeva

CANLI YAYIM