Soyuq müharibə dövrünün xəfiyyə əşyaları hərracda

11 Fevral, 15:44 Sosial mediada paylaşın:

Soyuq müharibə dövrünün əsas mübarizə vasitələrindən biri də xəfiyyələr olub. Onların öyrəndiyi informasiyalar, ötürdüyü məlumatlar tarixin gedişatını dəyişmək gücünə malik olub. Bunda isə əvəzedilməz rolu onların istifadə etdikləri qeyri-adi əşyalar oynayıb... Elə bu maraqlı eksponatların bir neçəsi hərraca çıxarılıb...

Mikrofonlu külqabı, silahlı dodaq boyası, içində zəhər olan diş və bu kimi onlarla qəribə eksponat... Bunların hamısını Culiyen Hərrac evində görmək mümükündür. Gizli xəfiyyələrin, casusların işlədiyi əşyalar  fevralın 13-də satışa çıxarılacaq. Beverli Hillsdə təşkil olunacaq auksion kolleksiyasına iynəli çətir də daxil edilib.

Hərracın təşkilatçısı Kodi Frederik deyir ki: "Bu əşyaların ixtiraçıları xırda detallarla işləyən ustalardır. Kiçik kameraları, mikrofonları, ötürücüləri də kolleksiymızda görmək olar. Müasir texnologiyalar da məhz bu kəşflər üzərində hazırlanıb -  elə işlətdiyimiz ağıllı telefonlar kimi".

Hərracın lotları arasına hərtərəfli fotoaparat yerləşdirilən Malbro Siqaretləri də var. Sovet kəşfiyyatçılarının istifadə etdiyi bu əşyanın qiyməti 1200 dollardır. Şifrələyən yazı makinaları, gizli dinləmə cihazı, radarlar, seyflər, hətta Çe Gevaranın gündəliyi və Fidel Kastronun məktubları da satışa çıxarılacaq. Ümumilikdə, Culiyen Hərrac evi alıcılara 400 unikal eksponat təqdim edəcək.

 

Xavər Zairova 

CANLI YAYIM