“Nizami Gəncəvi ili”nə həsr olunan “Xəmsə” adli beynəlxalq turnir keçiriləcək. Gənclər və İdman, eləcə də Nəqliyyat, Rabitə və Yüksək Texnologiyalar nazirliklərinin, Azərbaycan Kiberidman Federasiyasının dəstəyi, ölkəmizdə kiberidmanın inkişafına töhfə verən “Gaming League Azerbaijan”ın təşkilatçılığı ilə dünyanın ən populyar virtual döyüş növü olan “Counter-Strike: Global Offensive” oyunu üzrə “Xəmsə” beynəlxalq turniri keçiriləcək.

Təşkilatçılar 2021-ci il ölkəmizdə “Nizami ili” elan olunması ilə əlaqədar böyük mütəfəkkir şairin məşhur 5 poemasına ithafən turniri “Xəmsə” adlandırmağı qərara alıblar. Yarışda Azərbaycan ilə yanaşı, digər ölkələrin də təmsilçiləri mübarizə aparacaqlar. Ümumilikdə, “Xəmsə” turnirində 16 komanda Olimpiya sistemi üzrə yarışacaq. Martın 27-də başlayacaq turnir aprelin 4-də yekunlaşacaq. Yarışın ümumi mükafat fondu isə 5 min manat təşkil edir.