Yanvarın 22-dən fevralın 22-dək Azərbaycanda Böyük Britaniya Film Festivalı keçiriləcək. Müsabiqə Mədəniyyət Nazirliyi, "British Council" və Böyük Britaniyanın Azərbaycandakı Səfirliyinin dəstəyilə təşkil ediləcək.

6-cı dəfə reallaşacaq festival onlayn platformada keçiriləcək. İngilis dilində olan bütün filmlər Azərbaycan dilində alt yazılarla nümayiş etdiriləcək. Böyük Britaniya Film Festivalına onlayn qeydiyyat yanvarın 22-də başlayacaq. Yarış bitənə qədər filmlər istənilən vaxtda nümayişə açıq olacaq. Lakin baxmağa başlandığı andan həmin filmi yalnız 48 saat ərzində izləmək mümkün olacaq.