Virtual keçirilən Milan dəb həftəsi

21 Yanvar, 15:42 Sosial mediada paylaşın:

 Bu il virtual təşkil olunan Milan dəb həftəsində məşhur brendlər kişi geyimi koleksiyalarını təqdim edib.  Dizaynerlərin əsas məqsdədi əlvan libaslarla nikbin əhvalın ötürülməsi olub...

Pandemiya ilə əlaqədar tamaşaçısız təşkil olunan Milan dəb həftəsində bu dəfə əsas nümyişlər kişi geyimlərinə həsr olunub. İtaliyanın tanınmış moda evləri “Prada”, “Etro” və “Fendi” yeni kolleksiyalarını təqdim ediblər. Dizayner Muçia Pradanın hazırladığı ilk kişi geyim kolleksiyasına parlaq rəngli geniş gödəkçələr, uzun paltolar, naxışlı qalın sviterlər daxil edilib. “Etro” brendinin  kişi geyimləri üzrə yaradıcı direktoru Kin Etro isə 2021-2022-ci illər payız-qış kolleksiyasına çantalar, rəngli idman ayaqqabıları, böyük ornamentli şalvarlar və xüsusi akssesuarlar əlavə edib. Etronun fikrincə, dəb sənayesi də artıq virtual  formata uyğunlaşmağa başlayıb və alıcıların sayını çoxaltmağa davam edir. Silviya Venturini-Fendi yeni kolleksiyasını güzgülü tunel dekorasiyalı salonda təqdim edib. İşıqlı çərçivələrlə bəzədilən podium modellərin libasları ilə ahəngli rənglərə boyanıb. Kişilərin eleqant və əlvan geyinməsinin tərəfdarı olan Silviya Fendi bu dəfəki nümayişdə, əsasən, yaşıl, qırmızı və tünd mavidən istifadə etməklə monoxrom ansanbl yaradıb.

 

Xavər Zairova

CANLI YAYIM