Roden muzeyinin bağı ziyarət üçün açılıb

21 Yanvar, 15:38 Sosial mediada paylaşın:

Parislilərin ən çox sevdiyi görməli yerlərdən biri də məşhur heykəltəraş Rodenin ev muzeyidir. Pandemiya ilə əlaqədar muzeə giriş qadağan olunsa da, müxtəlif heykəllərin qoyulduğu bağ ziyarətçilər üçün açıqdır.

Eyfel qülləsinin yaxınlığında yerləşən geniş bağda dahi heykəltəraşın “Düşünən adam” əsərini, eləcə də fransız yazıçı Viktor Hüqonun heykəlini görmək mümkündür. Dizaynı ilə gözoxşayan bağın ağacları arasında “Kale sakinləri”, “Cəhənnəm qapıları”, “Orfey” adlı kompozosiyalar da təqdim edilir. 200-dən çox heykəlin nümayiş olunduğu muzey bağında müəllifin şəxsi kolleksiysına aid olan əl işləri də var. Pandemiyaya qədər muzey gündəlik olaraq 700 min ziyarətçi qəbul edirdi. İndi Rodenin məşhur əsərlərinə tamaşa etmək üçün 6 avroluq bilet və qoruyucu tibbi maska lazımdır.

 

Xavər Zairova

CANLI YAYIM