Netflix-də daha bir yeni film

21 Yanvar, 15:18 Sosial mediada paylaşın:

Komediya janrında film izləməyi sevən tamaşaçılar, xüsusilə də uşaqların sevərək izlədikləri “Matilda” filmi yenidən ekranlaşdırılacaq.  Ilk dəfə 1996-cı ildə lentə alınan əsərin yeni versiyası “Netflix”də yayımlanacaq.

Tanınmış ingilis yazıçısı Roald Dalın müəllifi olduğu “Matilda” romanı əsasında yenidən ekranlaşdırılacaq eyniadlı film “Netflix” kino platformasında yayımlanacaq. Əsər yüksək hafizə, intellekt və istedadı ilə həmyaşıdlarından seçilən Matildanın macəralarından bəhs edir. Lakin ailəsi balaca qəhrəmanın qeyri-adi xüsusiyyətlərinə biganə yanaşır, onu başa bəla, dəcəl uşaq kimi qəbul edir... Məktəbdə də çətinliklərlə üzləşən Matilda sehrli gücündən istifadə etməyə qərar verir. Əyləncəli və maraq dolu səhnələr də məhz bundan sonra başlayır. Filmdə baş rolu 11 yaşlı  Alişa Veyr, qəddar direktor - Aqata Trançbul personajını isə “Oskar” mükafatçısı Emma Tompson canlandıracaq. Nağıl əsasında film ilk dəfə 1996-cı ildə  Denni de Vitonun rejissorluğu ilə lentə alınıb. Ekran əsərində Matilda obrazına Mara Vilson çəkilib. 

 

Gülnaz Hacıyeva

CANLI YAYIM