Teatr tamaşasına çevrilən pandemiya

15 Yanvar, 14:11 Sosial mediada paylaşın:

Pandemiya ilə mübarizə aparan yaradıcı italyanlar, karantin durğunluğundan çıxış yolu axtarırlar. Bellini teatrında 6 nəfərlik heyət bu çətin dövrə insanların gündəlik həyatını səhnələşdirməyə çalışır...

Altı nəfərdən ibarət yaradıcı heyət... 4 aktyor və 2 dramaturq   bütün dünyanın üz-üzə qaldığı karantindən yaradıcı çıxış yolu axtarırlar. Onların sığınacağı isə Neapolda yerləşən məşhur Bellini teatrıdır. “Qırmızı sahə” adlı tamaşalarını da elə teatrın səhnəsində məşq edirlər. Pandemiya  dövründə gündəlik həyatı əks etdirən səhnə əsərinin müəllifi Luçiya Lanera  teatrın boş oturacaqlarının yenidən dolacağına ümid edir. Həmmüəllif dramaturq Davide Dakko isə mədəniyyəti karonavirusa qarşı ən güclü mübarizə üsullarından biri adlandırır və hər şey yoluna düşəndən sonra teatrların əvvəlki kimi canlanacağına inanır.  Aktyor Alfredo  Anqelliçi deyir ki, antik Yunanıstanda  teatr həyati mərkəzlərdən biri sayılırdı. Çünki ruhu təzə saxlayan mədəniyyət fiziki olaraq da sağlam qalmağa kömək edir. Bellini teatrının yaradıcı direktoru Daniele Russonun sözlərinə görə, tamaşanın ideyası bu çətin dövrdə teatrın rolunu müzakirə edərkən yaranıb. İncəsənət məbədi olan teatr istənilən halda, yeni formalara açıq olmalıdır. Məşqlər yekunlaşandan sonra “Qırmızı sahə” tamaşasının  bir gün ərzində nümayiş etdirilməsi nəzərdə tutulur.

 

Xavər Zairova

CANLI YAYIM