Buradan tapılan antik vazalar, metal bıçaq və digər əşyalar əsrlərlə yaşı olan Tihuanakota sivilizasiyasına aid edilir. Ərazidə yerləşən məbəd yaxınlığından əldə olunan eksponatlar sivilizasiyanın erkən dövrləri haqqında təsəvvür yaradır.

Tədqiqatçılara görə, bizim eradan əvvəl 30-cü ildən bizim eranın 1200-cü ilinə qədər mövcud olmuş sivilizasiya indiki Boliviya, Çili və Peru ərazilərini əhatə edib. Dərindən arşdırılmayan Tihuanakota sivilizasiyasının hansı səbəbdən məhv olması hələ də məlum deyil. Lakin tapılan artefaktlar burada yaşayan qədim insanların mədəniyyəti, həyat tərzi, inancları haqqında geniş məlumat almağa kömək edəcək.

Xavər Zairova