Tacikistanın “avesta.tj” portalı böyük Azərbaycan şairi Nizami Gəncəvinin 880 illiyi ilə bağlı rus dilində geniş məqalə dərc edib. Yazıda Azərbaycan Prezidenti İlham Əliyev 2021-ci ili ölkədə “Nizami Gəncəvi İli” elan etdiyi bildirilir.

Bununla əlaqədar Azərbaycanda və dünya ölkələrində Nizami Gəncəvinin həyat və fəaliyyəti ilə bağlı müxtəlif tədbirlər keçiriləcək, böyük ədibin kitabları çap olunacaq. Dünya ədəbiyyatı xəzinəsinə daxil olan əlyazmaları Yaxın Şərq və Orta Asiya xalqları ədəbiyyatının inkişafında da müsbət rol oynadığı bildirilir. Məqalədə şairin İran, Əfqanıstan, Tacikistan və digər ölkələrdən olan tədqiqatçıları haqqında da söhbət açılır.

Gülnaz Hacıyeva