Oqtay Əfəndiyev - Nə "Bəxtiyar"dıq

13 Yanvar, 15:41 Sosial mediada paylaşın:

65 il əvvəl ilk dəfə ekranlara çıxan «Bəxtiyar» filmi həm də əsas rolların uşaqlıq illərini canlandıran  qəhrəmanları ilə sevilir.

Məktəbli Bəxtiyar Muradov. O Bəxtiyar Muradov ki, dostları ilə yaralı əsgərləri sevindirmək üçün professor Rəcəbovun bağına alma oğurluğuna gedir. Bəxtiyar Saşa və Yusif kimi bir göz qırpımında hasara dırmansa da o, cənnətdən alma götürmür, bağda bülbül kimi cəh-cəh vurur.

Görkəmli rejissor Lətif Kərimov Azərbaycan kinosunda elə bir Bəxtiyar obrazı yaradıb ki, hər kəs gənc neftçinin sevimli mahnılarını əzbər bilsə də, heç kim onun kimi oxuya bilmir».

Bəxtiyar obrazının bu qədər sevilməsində baş rolun ifaçısı, müğənni Rəşid Behbudovla yanaşı, onun uşaqlıq illərini canlandıran məktəbli Oqtay Əfəndiyevin də əməyi heç də az deyil. 

«Bəxtiyar» filminə təstiqlənəndə onun cəmi 15 yaşı vardı. Filmin yaradıcı heyəti uşaq rolları üçün məktəblərdə axtarış edəndə 134 nömrəli məktəbinin şagirdi olan Oqtay sınaqdan keçərək Bəxtiyar roluna təstiqlənir. 

Məktəbli Bəxtiyar rilunun ifçısı Oqtay Əfəndiyev film haqqında təəssüratlarını bizimlə də bölüşdü: - «Mən demək istəyirəm ki, xırda rol mənim üçün çox vacib idi ki, mən Azərbaycan kinosuna belə öz töhfəmi verim. Bu na görə mən çox fəxr edirəm. "Bəxtiyar» filmi, bilirsiniz də, ildə haradasa 3-4 dəfə verilir. Hər dəfə göstəriləndə mənə zəng edirlər ki, baxırsan? Deyirəm ki, baxıram. Hərdən bir internetdə də baxıram. Mənim üçün maraqlıdır. Fəxr edərəm ki,  mənim həyatımda belə bir xoş xatirə var. "Bəxtiyar" filmindən sonra da Rəşid Behbudovu dinləmək üçün konsertlərinə gedirdim. Moskvaya köçəndən sonra Rəşid müəllim də tez-tez gələrdi Moskvaya konsert verməyə. Estrada teatrında da konsertləri olurdu. Mən də gedib onu axtarırdım, tapırdım. Görüşürdük orada".

Oqtay Əfəndiyev «Bəxtiyar» filminə qədər də mədəniyyətə bağlı olub. İncəsənətə sevgi onun ailəsindən gəlir. Belə ki, o, Azərbaycanın ilk ali təhsilli memarı Zivər bəy Əhmədbəyovun yeganə övladı Firəngiz xanımın oğludur.   

Oqtay Əfəndiyev nə neftçi oldu, nə də müğənni. Anası Firəngiz xanım onu gələcəkdə aktyor görmək istəsə də atası Firudin müəllim hüquqa yönəldir. O, hüquq elmləri doktorudur, hazırda Azərbaycan Dövlət İqtisad Universitetinin iqtisadi hüquq kafedrasında çalışır.

Oqtay Əfəndiyev 65 il öncə yaratdığı Bəxtiyar obrazı ilə o qədər bəxtiyardır ki, ömrünün ən parlaq səhifəsinə bu gün də böyük maraqla baxır.

 

Ülviyyə Heydərova

CANLI YAYIM