"Qarabağnamə" tamaşası onlayn nümayiş olunacaq

13 Yanvar, 11:37 Sosial mediada paylaşın:

XVIII əsrdə Qarabağ xanlığının mərkəzi olan Şuşada baş verən  tarixi hadisələr. Söhbət Qarabağ hökmdarı İbrahim xanın həyatından bəhs edən “Qarabağnamə” tamaşasından gedir. Tamaşa Yanvarın 20-də Akademik Milli Dram Teatrının səhnəsində onlayn olaraq nümayiş olunacaq.

Azərbaycan Dövlət Akademik Milli Dram Teatrı 20 Yanvar faciəsinin 31-ci ildönümü ilə əlaqədar “Qarabağnamə” tamaşasını sosial hesabları vasitəsilə onlayn nümayiş etdirəcək. Xalq yazıçısı, görkəmli dramaturq İlyas Əfəndiyevin “Hökmdar və qızı” əsəri əsasında hazırlanan tamaşanın rejissoru Xalq artisti Mərahim Fərzəlibəyov, quruluşçu rəssamı İsmayıl Məmmədovdur. Tamaşanın musiqi tərtibatçısı Həmid Kazımzadə, geyim rəssamı Aygün Mahmudova, işıq üzrə rəssamı Rafael Həsənovdur. Səhnə əsərində XVIII əsrdə Qarabağ xanlığının mərkəzi olan Şuşada baş vermiş tarixi hadisələrdən və Qarabağ hökmdarı İbrahim xanın ictimai-siyasi, ailə-məişət həyatından danışılır. Xanlıqlara bölünmüş Azərbaycana yiyələnmək istəyən Rusiya və İranla siyasi əlaqələri və dostluq münasibətlərini bərqərar etməyə çalışan İbrahim xanın erməni fitnəkarlığının qurbanı olmasından bəhs edilir.

CANLI YAYIM