Qəhrəmanların xatirəsini əbədiləşdirən heykəltəraş

12 Yanvar, 17:21 Sosial mediada paylaşın:

Qəhrəmanlarımızı öz əsərlərində yaşadan sənətkar - heykəltəraş Tamerlan Mirzəliyev

İncəlik, dəqiqlik və yaradıcılıq tələb edən heykəltəraşlıq sənəti... Müsahibimiz Tamerlan Mirzəliyev kiçik yaşlardan bu sənətin sirlərini öyrənməyə maraq göstərib, ilk əl işi kiçik ölçülü fiqurlar olub. Daha sonra isə  daş, gil, taxta gips və digər materiallardan istifadə edərək heykəltəraşlığın müxtəlif növlərində əsərlər yaradıb.

"Təkcə büstü hazırlamaq eyni zamanda dünyadan köçən bir insanın xatirəsini əbədiləşdirmək, çox məsuliyyətlidir. Onun cəmiyyətdə tutduğu mövqeyi büstdə göstərmək çətindir. Onun baxışında mimik əzələlərində bunların hamısını cəmləyərək çatdırmaq lazımdır" - deyir heykəltəraş Tamerlan Mirzəliyev.

Əl işlərində əsasən  milli koloritə üstünlük verən müsahibimiz, vətənərvərlik mövzusunda da müxtəlif əsərlər hazırlayıb. 

Müsahibimizin əsərləri sırasında Qarabağ mövzusu xüsusi yer tutur. Beləki o əvvəlcə 1-ci Qarabağ mühabibəsi zamanı şəhid olan Arif Abbasovun, daha sonra 2-ci Qarabağ savaşında isə şəhid Cabbarov Şahgündüzün sərlövhəsini hazırlayıb, hazırda barelyef üzərində işlər davam etdirilir.

Tamerlan Mirzəliyev qəhrəman əsgərlərimizin xatirəsini əbədiləşdirmək və onların qəhrəmanlıqlarının daha geniş auditoriyaya çatdırmaq  məqəsdi ilə Qarabağ müharibəsinə həsr olunan festival keçirməyi planlaşdırır.

CANLI YAYIM