"Canlı klassika" beynəlxalq müsabiqə keçiriləcək

12 Yanvar, 15:19 Sosial mediada paylaşın:

Ölkəmizdə növbəti dəfə onlayn formatda beynəlxalq müsabiqə keçiriləcək. Rus Gəncləri Assosiasiyasının təşkil etdiyi müsabiqədə yeniyetmə və gənclər mütaliə bacarıqları ilə həm inkişaf edəcək həm də yarışacaqlar. Danılmaz həqiqətdir ki, hər kəsin cəmiyyətdə yeri, mövqeyi ilk növbədə onun biliyi,  intellektual səviyyəsi ilə müəyyən edilir və bütün bunlar oxumaqla, mütaliə etməklə mənimsənilir. Qiraət müsabiqələri yeniyetmə və gənclərin bilik və bacarığının artırılmasında, onları bir fərd kimi formalaşmasında mühüm rol oynayır. Dünyanın bir çox ölkəsində mütaliənin təbliğ olunması üçün təşkil edilən  “Canlı Klassika” beynəlxalq yarışda Azərbaycan artıq 8 ildir ki, təmsil olunur. İstedadlı gənclərin aşkarlanmasında böyük rol oynayan müsabiqə koronavirus pandemiyası səbəbindən onlayn keçiriləcək. Müsabiqənin keçirilməsinin əsas məqsədi uşaqlar arasında mütaliənin təbliği, uşaq və gənclərdə müasir rus dünya ədəbiyyatına marağın artırılmasıdır. Müsabiqədə iştirak etmək üçün 10-17 yaş arası gənclər 25 yanvara kimi qeydiyyatdan keçə bilərlər.

***

CANLI YAYIM