Qumdan yaranan rəsmlər

12 Yanvar, 15:08 Sosial mediada paylaşın:

Rəssamlıq deyəndə ilk növbədə boya və fırça ilə çəkilmiş əsərlər xatırlanır.

Naqiyə Rzayeva professional rəssamdır. Bu sənətin demək olar ki, bir çox janrlarında rəsmlər yarada bilir. Lakin bir neçə ildir ki, qumla rəsmlər çəkməyə başlayıb. Qum rəsmində istənilən əsərin hazırlanması üçün müəyyən süjet xəttinin qurulması vacibdir. Süjet xəttinin qurulması isə hətta uzun zaman ala bilər. Bəzən 10-15 dəqiqə ərzində nümayiş olunan rəsm üçün olur ki, aylarla işləyir, hətta gecələri də yuxusuz qalır. Naqiyə xanım bu sənəti filmlə müqayisə edir: "Qumla rəsm də film kimidir, bir dəfə baxırsan  bitir. Bu qrafik sənətdir bu yaranandan ayrıca sənət kimi götürülməyib sonradan ayrıca sənət kimi götürülüb. Birinci bu animasiya kimi olub. kanad rəssamı olub. Sonradan animasiyon kino kimi çəkilib.Yani bunu hamı işləyə bilər amma rəssamlar daha yaxşı bacarar. Qumla rəsmin xüsusiyyətibir neçə sənətdən ibarətdir: burada musiqi var, burada söz, hərəkət ola bilər. Qaranlıq vacibdir ki, biz qumu atanda kontrast olsun".

Rəngkarlıqla müqayisədə qumla rəsm çəkmək məhz süjet xəttinin yığılması üçün ideyanın, uyğun musiqinin tapılmasına görə qat-qat çətindir. Çünki, musiqi ilə çəkilən əsər ahəng təşkil etməlidir. Qum sənətinin incəliklərinə yiyələnən rəssam bütün süjetlərin musiqilərini də özü yığır.

Rəssam üçün İdeya musiqidən, şeirdən, eləcə də yaşadığı həyatdan gəlir.  Bir əsəri yaratmaq üçün günlərlə yatmayıb evi bütün qum etdiyi vaxtlar da olub. Quma gəlincə isə o, bildirir ki, adi  ag, qara qumdan istifadə etmək olar. Hətta kofe ilə rəsm yaradanlar da  az deyil, yetər ki, istək və həvəs olsun.

CANLI YAYIM