“Lev Tolstoyun qızı erməni vəhşilikləri haqqında” sənədli material İran qəzetində

11 Yanvar, 14:13 Sosial mediada paylaşın:

Təbrizin gündəlik “Saeb Təbriz” qəzeti Dövlət Tərcümə Mərkəzinin beynəlxalq aləmdə yayımlanması məqsədilə müxtəlif dillərdə hazırladığı “Lev Tolstoyun qızı erməni vəhşilikləri haqqında” mətnini öz səhifəsində yerləşdirib.

1915-ci ildə ermənilər tərəfindən Van şəhərində dinc türk əhalisinə qarşı törədilən soyqırımın canlı şahidi olmuş böyük rus yazıçısı Lev Tolstoyun qızı Aleksandra Tolstayanın xatirələrini əks etdirən material bu dəfə oxuculara Təbrizin tanınmış jurnalisti Qasım Türkanın “Ön söz”ü ilə təqdim edilib. Aleksandranın xatirəsini əks etdirən “Lev Tolstoyun qızı erməni vəhşilikləri haqqında” adlı sənədli material Fars dilində Dövlət Tərcümə Mərkəzinin hazırladığı materiala istinadən Təbrizin gündəlik “Saeb Təbriz” qəzetində çap olunub. Yazıda yerlə yeksan olunan Van şəhəri, ermənilər tərəfindən türklərə törətdilən amansız işgəncələrdən söhbət açılır. Körpədən böyüyə hər kəsə qarşı törədilən qeyri-insani vəhşilikləri, günahsız qurbanları görən yazıçı-publisist Aleksandra Tolstayanın hissləri bu tarixi materialda öz əksini tapır. Qeyd edək ki, sözügedən sənədli material ingilis, rus, türk, fars, ərəb, gürcü, fransız, ukrayna, ispan və alman dillərinə tərcümə olunaraq xarici ölkələrin Azərbaycanda akkreditə olunmuş səfirlik və nümayəndəliklərinə göndərilib.

 

Nigar Babayeva

CANLI YAYIM