Qazaxıstanda “Qarabağ – geri dönən xoşbəxtliyim” adlı sənədli film çəkilib

11 Yanvar, 14:05 Sosial mediada paylaşın:

Azərbaycan ordusunun 44 günlük zəfər tarixi türk dünyasının diqqət mərkəzindədir. Xalqın işğaldan azad olunan torpaqlarına yenidən ayaq basması sevincimizi bölüşən bütün ölkələr üçün böyük əhəmiyyət daşıyır. Bu məqsədlə, Qazaxıstanda Qarabağ münaqişəsinin tarixindən bəhs edən sənədli film çəkilib.

Qazaxıstanlı rejissorların ekranlaşdırdığı “Qarabağ – geri dönən xoşbəxtliyim” sənədli filmi Qarabağ münaqişəsinin tarixi, konfliktin səbəbləri, gedişi və nəticələri haqqındadır. Qazax və rus dillərində çəkilən ilk əhatəli ekran işi süjet xəttinin ardıcıllığı və dinamikası ilə seçilir. Sənədli film Azərbaycanın haqlı mövqeyini geniş ictimaiyyətə çatdıra biləcək dəqiq və dolğun məlumatlarla zəngindir. Ekran işində Qarabağın azadlığının rəmzi olan “Xarı- bülbül” barədə də ətraflı məlumat verilir. Qazaxıstanlı jurnalist Almas Altayın müəllifi olduğu film qazaxıstanlı politoloqlar, jurnalist və bloqerlərdən ibarət 10 nəfərlik heyətin Azərbaycana səfəri zamanı çəkilib. 44 günlük müharibə dövründə Bakı, Bərdə, Gəncə və Şamaxı şəhərlərini ziyarət edən heyət sənədli ekrn işini müharibənin müxtəlif məqamlarını əks etdirən kadrlar, habelə tarixi videogörüntülər əsasında lentə alıb. “Qarabağ – geri dönən xoşbəxtliyim” sənədli filminin təqdimatı Qazaxıstanın Nur-Sultan və Almatı şəhərlərində keçirilib.

CANLI YAYIM