Pandemiyanın təsirində olan Avropa teatrları

11 Yanvar, 13:52 Sosial mediada paylaşın:

Pandemiya ilə əlaqədar sərt karantin və məhdudlaşma mədəniyyət sahəsində ən çox teatrların fəaliyyətinə təsir göstərib. Teatrların bağlanması ilə çox sayda aktyor da işsiz qalıb. Görəsən, Avropanın mədəniyyət ocaqları pandemiyanın təsirindən necə çıxacaqlar? Bu durğunluqdan sonra dirçəlmək mümkün olacaqmı?..

Avropanın aylardır ki, qapalı qalan teatrları pandemiyanın təsiri ilə ciddi ziyan çəkib. Mədəniyyət ocaqların bəziləri karantin və məhdudlaşmaların yumşaldılmasından sonra bir neçə ölkədə qismən fəaliyyətə  başlasa da, yeni qaydalar aktyorlıarı tamaşaçılardan ayrı salır. Lakin bütün bunlara baxmayaraq, İspaniyanın paytaxtında bu çətinliyin öhdəsindən gəlməyə çalışırlar. Belə ki,  madridli teatrsevələr hər axşam “Don Juan” tamaşasını izəyə bilərlər. Hər tamaşa üçün yalnız 100 nəfərin buraxıldığı teatrda  sosial məsafənin saxlanılmasına da riayeət edilir. Həmçinin orkestrin üzvləri arsında şəffaf arakəsmələr də quraşdırılıb. Müntəzəm olaraq testdən keçən aktyorlar səhnədə də xəstəlikdən qorunma qaydalarını nəzərə almalıdırlar. Fransada isə vəziyyət ürəkaçan deyil.  Dünyanın mədəni mərkəzlərindən biri sayılan Parisdə bütün teatrlar, konsert salonları və kinoteatrlar bağlıdır. Fransız incəsənət adamları yaranmış durğunluqdan çox məyusdurlar. Bu halda olan təkcə Fransa teatrları deyil, Avropanın əksər mədəniyyət ocaqları hələ də tamaşaçılar üçün qapılarını açmayıb.

CANLI YAYIM