İşğaldan azad edilən ərazilərdə mədəniyyət ocaqlarının bərpasına başlanılıb

9 Yanvar, 09:49 Sosial mediada paylaşın:

İşğaldan azad edilən ərazilərdə infrastrukturun bərpasına başlanılıb. Abadlıq-quruculuq işləri çərçivəsində maddi mədəniyyət abidələrinin bərpası, müzeylərin yaradılması istiqamətində də layihələrin həyata keçirilməsi planlaşdırılır.

Erməni işğalından azad olunan ərazilərdə mədəni irsimizin qorunması məqəsdilə müzeylərin yaradılması vacibdir. Bu tariximizin təbliği baxımından əhəmiyyətlidir. Tarix üzrə fəlsəfə doktoru Bayram Quliyev bildirir ki, prezident İlham Əliyevin göstərişlərinə üyğun olaraq Qarabağ bölgəsində yaradılacaq muzeylərin təşkili  müxtəlif istiqamətlərdə həyata keçiriləcək. Dağıdılan şəhərlərin bəzi ərazilərini heç bir müdaxilə edilmədən hasara alaraq  muzeyə çevilməsi nəzərdə tutulur. Düşməndən əldə edilən qənimətlər də burada saxlanılaraq gələcək nəsillərə nümayiş etdirilə bilər. Həmçinin  qismən salamat qalan tarixi abidələr müəyyən olunmalı, inventarlaşdırılıb muzey halına gətirilməlidirlər. Dini abidələri də qeydiyyata alıb  müzeyə çevirmək olar. Bu prosesdə ilk olaraq abidə komplekslərinə üstünlük verilməlidir. Son mərhələ isə artıq infrastruktur yaradılan  rayonlarda muzey binalarının tikilməsi və  dağıdılan abidələrin bərpa olunmasıdır.

CANLI YAYIM