Azərbaycan Prezidenti İlham Əliyevin qərarı ilə 2021-ci ilin “Nizami Gəncəvi ili” elan edilməsi ölkəmizlə yanaşı bütün türk dünyasında böyük rəğbətlə qarşılanıb. Təkcə dahi şairin irsi ilə bağlı deyil, ümumən ədəbiyyatla, mədəniyyətlə, mənəviyyatla bağlı verilən bu qərar dilin zənginləşməsinə, bədii-estetik dəyərlərin qorunmasına da böyük töhvə verəcək.
“Nizami Gəncəvi ili” çərçivəsində bütün yaradıcı platformalarda xüsusi tədbirlərin təşkil olunması gözlənilir ki, bunların da əksəriyyəti qardaş Türkiyədə reallaşacaq.
Avrasiya Yazarlar Birliyinin sədri Yaqub Öməroğlu: "Bu ilin "Nizami Gəncəvi ili" elan edilməsi biz yazıçılar və şairlər üçün çox sevindiricidir. Gəncəvi hər dönəmdə yaşayıb - düşüncəsiylə, şeiriylə, sənətiylə... Amma bu il xalqa daha çox anladılacaq, onu daha çox xatrlayacağıq. Buna görə də çox sevinirik.
