İsveçin ikinci böyük şəhəri olan Höteborq şəhərində hər il keçirilən Beynəlxalq Kino Festival bu dəfə tamam fərqli formatda təqdim olunacaq.

Skandinaviyanın ən nüfuzlu Höteborq Beynəlxalq Kino Festivalının təşkilatçıları “Bir nümayiş-bir tamaşaçı” formatında tədbir keçirməyə qərar veriblər. Təşkilatçılar film izləmək üçün uzaq adaya getmək istəyən tamaşaçı axtarırlar. 

Seçilmiş tamaşaçı bir həftə ərzində İsveçdə yaşayış olmayan Pater Noster adasında ən yaxşı yeni filmləri seyr etmək imkanı qazanacaq. Sosial təcriddə festivalda iştirak edəcək tamaşaçının yeganə yoldaşı isə dəniz səsi və festival filmləri olacaq. Bundan başqa, bir tamaşaçı üçün müstəsna film nümayişləri Skandinavium arenasında və Draken kinoteatrında da həyata keçəcək.