Şuşa və Düşənbə şəhərləri mədəniyyət paytaxtı elan edilib

6 Yanvar, 13:57 Sosial mediada paylaşın:

Şuşa Azərbaycanın, Düşənbə şəhəri isə Müstəqil Dövlətlər Birliyinin mədəni paytaxtı elan olunub.

Mədəniyyət və incəsənət beşiyi sayılan Şuşa, Azərbaycanın mədəniyyət paytaxtı elan edilib. Bunu Prezident İlham Əliyev Anar Kərimovu mədəniyyət naziri təyin olunması ilə əlaqədar videoformatda qəbul edərkən bildirib.

Prezident İlham Əliyev çıxışı zamanı Şuşa şəhərinin restavrasıyasına başlanması və paytaxtın tarixi simasının bərpa edilməsi istiqamətində görüləcək işlər barədə məlumat verib. Şuşa yerləşdiyi coğrafi mövqe, tarixi və mədəni imkanlar baxımından Qarabağın döyünən ürəyi hesab olunur. 1992-ci il mayın 8-də erməni hərbi birləşmələri şəhəri işğal edərək, tarixi və memarlıq abidələrini məhv ediblər. Lakin bu gün rəşadətli Azərbaycan ordusunun qüdrəti sayəsində Şuşa azad edilib və burada artıq yenidənqurma işləşlərinə başlanılıb.

2021-ci il üçün Müstəqil Dövlətlər Birliyinin mədəni paytaxtı və  turizm şəhəri isə Tacikistanın Düşənbə şəhəri elan edilib. 2020-ci ildə isə MDB-nin mədəniyyət paytaxtı Qırğızıstanın Şımkent şəhəri seçilmişdir.

CANLI YAYIM