Cənubi Koreya, koronavirus tədbirləri səbəbiylə 2021-ci ili sakit qarşılayan ölkələrdən biri oldu. Yalnız yeni il əhval ruhiyyəsi Lotte World Akvariumunda hiss edildi. Dalğıc şousu izləyicilərə unudulmaz anlar yaşatdı.

Təxminən yüz il əvvəl paytaxt Seulda yeni il ərəfəsində minlərlə insanı bir araya gətirən zəng çalma ənənəsi bu il yaşanmadı. Buna baxmayaraq, insanlarda yeni il əhval ruhiyyəsini yaratmağı öz üzərinə götürən ölkənin ən böyük akvariumu maraqlı şou təşkil edib. Cənubi Koreyanın milli geyimi 'Hanbok' da dalğıclar  sarı və mavi işıqlar altında balıqlarla rəqs edib öz məharətlərini nümayiş etdiriblər.

Hər il akvariumda qurulan 'Yeni iliniz mübarək' plakatı ilə yanaşı bu il “Koronavirusa ağılla qalib gələk” yazısı da yerləşdirilib.

COVID-19 tədbirləri çərçivəsində, akvarium şou proqramları yalnız şənbə, bazar və tətil günlərində gündə iki dəfə  fevralın 20-ə qədər təqdim edəcək.