Yarat Müasir İncəsənət Mərkəzi 44 günlük vətən müharibəsinə həsr edilmiş “Dumanlar başında dastana döndü” adlı virtual sərgi hazırlayıb. Sərgi haqqında daha ətraflı növbəti sujetimizdə.
Sərginin adı, Vətən Müharibəsində şəhid olmuş gizir Xudayar Yusifzadənin özünəməxsus ifasında Əliağa Vahidin sözlərinə yazılmış "Vətən yaxşıdır" mahnısından götürülüb. "Dumanlar başında dastana döndü" sərgisinə virtual tur etmək mümkün olacaq.
Sərgidə nümayiş olunan "Xarıbülbülün nəğməsi" instalyasiyası isə Qarabağın hazırkı durumunun simvolik əksidir. 27 illik işğal ərzində talan olunmuş, dağıdılmış şəhər, kənd və qəsəbələri dirçəlməyə gücü olan çiçəyə bənzədən müəllif, ideyasını Şuşa və bütün Qarabağın əsas simvolu olan Xarıbülbül ilə açıqlayır
Ekspozisiyada Maral Rəhmanzadə və Mikayıl Abdullayev kimi görkəmli Azərbaycan rəssamlarının yaratdıqları rəngkarlıq tabloları, müasir rəssamların instalyasiya, fotoqrafiya, video və rəqəmsal sənət əsərləri ilə dialoqa girərək, artıq həll olunmuş Qarabağ münaqişəsinin mürəkkəb pazlını tamamlayır.
