Bu gün Xalq artisti, səsi ilə ürəkləri riqqətə gətirən sənətkar Zeynəb Xanlarovanın doğum günüdür (1936). Bakıda dünyaya gələn Zeynəb Xanlarova 1961-ci ildən Opera və Balet Teatrının solisti kimi fəaliyyətə başlayıb.

Üzeyir Hacıbəylinin “Leyli və Məcnun”, “Əsli və Kərəm” operalarında Leyli və Əsli obrazlarını yaradıb. Xalq artistinin repertuarında muğamlar, təsnif və Azərbaycan xalq, bəstəkar və şərq xalqlarının mahnıları geniş yer tutur. Zeynəb Xanlarova Azərbaycanın qadın xanəndələri sırasında “Çahargah” muğamının ilk ifaçılarından biridir. O, özünün sənət məktəbi olan bir sənətkardır. Gənc müğənnilərin repertuarını Zeynəb Xanlarovanın ifa etdiyi mahnılar bəzəyir. Sənətkar həmçinin bir sıra mahnıların da müəllifidir. Haqqında “Salam, Zeynəb!” adlı sənədli televiziya filmi çəkilib. Sənətkar dünyanın əksər ölkələrində konsertlər verib.

Oxu Zeynəb, oxu Zeynəb

Qoy səsin,

Ürəklərdə, kaman kimi

Titrəsin.