Rəssam tələbələr azad edilən torpaqlarımız üçün park layihələrini təqdim ediblər. Bununla yanaşı, gənclər Qarabağ üçün bir sıra layihələr də hazırlayıblar.
Rəssam Tünzalə Məmmədzadənin tələbələri - Qarabağ üçün bir sıra layihələr hazırlayıblar. Memarlıq və Dizayn fakültəsinin ikinci kurs tələbələri Elnarə Rzayeva, Fatimə Məmmədli, Nərmin İsmayılova, Nərmin Kərimli, Ofelya Hüseynzadə, Tutu Qurbanova Qarabağda həyata keçirilə biləcək gələcək layihələrin eskizlərini təqdim ediblər. Vətən müharibəsindəki qələbədən ilhamlanan gənc rəssamlar işğaldan azad edilmiş ərazilərimizdə qurula biləcək parkların eskizlərini hazırlayıb. Bu fikir sənətkarın özünə aiddir.
Xatırladaq ki, Tünzalə Məmmədzadə Silk art üslubunda da işləyir. O, Quranı qızıl və gümüş rənglərdə şəffaf qara ipək üzərinə köçürməklə məşhurdur.
