Dünyanın istənilən ölkəsindən tamaşaçılar virtual olaraq Çarlz Dikkensin Londondaki evinə qonaq gedə bilərlər. Yazıçının “Milad nəğməsi” əsəri məhz burdan yayımlanacaq.

Çarlz Dikkensin ev muzeyi dekabrın son günləri “Milad nəğməsi” tamaşasını virtual münayiş edəcək.  Populyar aktyor Dominik Cerrard əsərin baş qəhrəmanı Ebenezer Skrucın kuklasının vasitəsilə  tamaşaçıları Dikkesin 60 il yaşadığı evində gəzdirəcək. Otaqdan otağa keçərək nağılda baş verən hadısələri canlandırmağa çalışacaq. Şam işığında çəkilmiş tamaşa klassik milad hekayəsini əks etdirir. Dominik Cerrard bu il tamaşanın xüsusi ab-hava yaradacağına əmin olduğunu söyləyir.

Aktyor Dominik Cerrard əsər haqqında bunları bildirib: - “Təəssüflər olsun ki,  “Milad nəğməsi” həmişə aktualdır. Yoxsulluq, çətinlik və əzab insanların həyatında hər zaman olub. Və hekayə bu gün də  aktuallığını itirnir.”

Ziyarətçilərini itirməmək üçün muzey bütün tədbirlərini onlayn keçirməyə qərar verib.

“Bütün tədbirlərimizi onlayn şəkildə keçirmək qərarı, tək Milad bayramında  insanlarla ünsiyyət yaratmağa deyil, həm də  Londondan daha uzaq bir auditoriyaya çatmağımıza imkan verir” - deyə, Muzeyin direktoru Sindi Şaqru bildirdi.

Milad dövrü muzey üçün gəlir baxımından ən sərfəli hesab olunsa da, bu il dünyanın bütün incəsənət məkanları kimi, Dikkensin muzeyi də virtual tədbirlərlə ayaqda qalmağa çalışıb.