Mədəniyyət Nazirliyinin “Xristian irsimizi tanıyaq” adlı layihəsi davam edir. Növbəti material Dairəvi Alban Məbədinə həsr edilib. Belə ki, V-VI əsrlərə aid Dairəvi Alban məbədi - Şəki şəhərindəki Nuxa qalasında yerləşən ölkə əhəmiyyətli memarlıq abidəsidir.

Dairəvi məbədin əsas hisəsinin üstü günbəzlə tamamlanır və bu, ilkin hissə memarlıq üslubuna, tikintisində istifadə edilmiş inşaat materiallarının növünə görə qaladakı digər tikililərdən xeyli fərqlənir. Hazırda bu tikilinin içində Şəki Xalq Tətbiqi Sənət Muzeyi yerləşir. Qeyd edək ki, layihə çərçivəsində Azərbaycan ərazisində xristian dininə aid olan və dövlət tərəfindən qorunan məbədlər, kilsələr və ibadətgahlara dair qısa videoçarxlar təqdim olunur.