“Fantastik varlıqlar” filminin üçüncü hissəsinə Hollivud ulduzu Conni Deppin əvəzinə seçilən aktyorun adı açıqlanıb. Üçüncü hissədə Depp sadəcə cəmi bir gün çəkiləcək.

Məşhur “Lektor” serialında baş rolu canlandıran 55 yaşlı danimarkalı aktyor Mads Mikkelsen “Fantastik varlıqlar 3”  filmində “sehrbaz Qrin de-Vald” obrazını oynayacaq.  Qeyd edək ki, Warner Bros şirkəti Conni Deppi  keçmiş arvadı Ember Herd ilə qalmaqallı məhkəmə prosesindən sonra “Fantastik varlıqlar 3” filmində çəkilməkdən məhrum edib. Conni Depp cəmi 1 gün çəkiləcək və bunun müqabilində on milyon dollar qonorar alacaq.

Filmin süjet xətti fantastik heyvanlar və canlıların təsnifatı ilə məşğul olan sehirbaz Nyut Skamenderin sərgüzəştləri üzərində qurulub. Baş verən hadisələr “Harri Poter”dən 60 il əvvəl cərəyan edir. Hələ ki, dəqiq adı olmayan “Fantastik varlıqlar”-ın 3-cü filminin təqdimatı isə 2022-ci ilin iyul ayının 15-nə təyin olunub.