Yazıçı-dramaturq Ülviyyə Heydərovanın Batumi Beynəlxalq Monodram Festivalında qalib gələn “Uşaqlıq” monopyesi bu yaxınlarda Batumidə nümayiş olunacaq. Gürcü dilində təqdim ediləcək tamaşanın quruluşçu rejissoru Ketevan Samxaradze, əsas rolun ifaçısı isə Tbilisi Gənclər Teatrının aktrisası Aniko Şurqaiadır. Təşkilat komitəsi Batumi Beynəlxalq Monodram Festivalını pandemiya səbəbindən onlayn rejimdə keçirməyi qərar alıb. Tamaşa Batuminin Acariya Televiziyası tərəfindən lentə alınıb və yaxın günlərdə onlayn nümayişi gözlənilir. Almaniya və Rusiyada da müsabiqələrdə uğur qazanan səhnə əsəri 2020-ci ildə Sumqayıt Dövlət Dram Teatrında Xalq artisti Firudin Məhərrəmovun quruluşunda tamaşaya qoyulub. Tamaşanın premyerası karantin rejimi bitəndən sonra keçiriləcək.