Disneyin döyüş janrında yeni animasiya filmi

16 Noyabr, 15:22 Sosial mediada paylaşın:

Hələ qədim zamanlarda əjdahaların qurub imperatorluq etdiyi Kumandra adlı dövlət var idi. Beş qəbilədən ibarət bu krallıqda insanlar əjdahalara itaət edərək onlar ilə birlikdə firavan həyat sürürdülər.  Ta ki, qara qüvvələr,  yəni drunlar gələnə kimi. 

Belə ki,  əjdahalar bütün bəşəriyyətin xilası naminə özlərini  qurban verərək insanlar üçün torpaqlar qoyub gedirlər. Lakin Kumandra krallığında həmrəy yaşayan qəbilələr sonuncu savaşdan 500 il sonra drunların hücumuna yenidən məruz qalırlar. Bu döyüşün bitməsi üçün əjdahaların qoyub getdiyi sonuncu əjdahanı tapmaq isə cəsur Rayanın üzərinə düşür. Krallığın sərkərdəsinin drunlar tərəfindən öldürülməsi, atasının qisasını sonuncu əjdahanı taparaq ala biləcəyindən əmin olan Raya qorxmaz və məğrur ruha sahib olur.

Bəhs etdiyimiz qəhramanlar “Raya və Sonuncu əjdaha” adlı animasiya filmində yaşayırlar. Disneyin savaş və macəra janrında olan ekran işinin tizeri kinosevərlər tərəfindən maraqla qarşılanıb. Həmçinin filmdə şərq notlarında səslənən musiqilər də tamaşaçıların xüsusi ilə diqqətini çəkib.  “Raya və Sonuncu əjdaha” 2021 ci ilin martında izləyicilərin görüşünə gələcək.

 

Nigar Babayeva

CANLI YAYIM