"Qarabağ - mədəniyyətimizin beşiyi" layihəsində Beşikdağ kilsəsi

14 Noyabr, 15:43 Sosial mediada paylaşın:

Ölkəmizin tarixi abidələr diyarı olan Qarabağda uzun illərdir ki, ermənilər memarlıq nümunələrini dağıdıb və talan edib. Eləcə də zəngin irsimiz saxtalaşdırmaya və mənimsənilməyə məruz qalıb. Bu həqiqətlərin beynəlxalq səviyyədə ictimailəşdirilməsi üçün Mədəniyyət Nazirliyinin təşkil etdiyi “Qarabağ – mədəniyyətimizin beşiyi” adlı layihə davam edir.

Layihə çərçivəsində bu dəfə Ağdam rayonunda yerləşən Beşikdağ kilsəsi haqqında məlumat verilib. 4-cü - 7-ci əsrə aid edilən kilsə Qafqaz Albaniyası memarlığı üslubunda tikilib. Xaç-günbəz formalı plana mailk olan kilsəni Qafqaz Albaniyası hökmdarı 2-ci Vaçe tikdirib. Memarlıq abidəsi Vəngəsər kilsəsi adı ilə də tanınır. Qeyd edək ki, layihə əsasında təqdim olunan bütün məlumatların müxtəlif dillərdə qlobal internet məkanında, o cümlədən, sosial şəbəkələrdə yayılması nəzərdə tutulub.

CANLI YAYIM