Azərbaycan Radiosu Vətən Müharibəsi günlərində "Salam, ATA!" silsiləsindən növbəti layihə təqdim edib.

Uşaqlığını yaşamayan müharibə uşaqlarının erməni terroruna qarşı ucalan səsi, atalarının yolunu həsrətlə gözləyən uşaqların kədəri layihənin əsas xəttini təşkil edir.

Layihədə uşağın atasına yazdığı məktubunda onun ağrısı, açısı uşaq həssaslığı ilə təsvir olunub.  "Sən cəbhəyə çağırılan gün dedin ki, bayrağımızı Şuşaya sancıb sonra qayıdacam!" - deyən uşaq atasını və Vətəni nə qədər çox sevdiyini kövrək səsi ilə ifadə edir...

Layihənin mövzusuna uyğun olaraq Azərbaycan Televiziyasının SMM qrup əməkdaşları növbəti videoçarx hazırlayıb.

Həmin videoçarxı oxuculara təqdim edirik.