Heydər Əliyev Sarayı ölkəmizin ərazi bütövlüyü, işğal altında olan torpaqlarımızın düşməndən azad olunması uğrunda mübarizə aparan Azərbaycan Ordusuna dəstək məqsədilə, Azərbaycan Respublikasının Silahlı Qüvvələrinə Yardım Fonduna Sarayın kollektivinin könüllü iştirakı ilə 5110 manat vəsait köçürüb.

Heydər Əliyev Sarayının kollektivi, Ali Baş Komandanımızın rəhbərliyi ilə Ordumuzun qısa zamanda torpaqlarımızı işğaldan azad edərək Azərbaycanın ərazi bütövlüyünü bərpa edəcəyi xəbərini eşidəcəklərinə əmindirlər və hər gün qələbə xəbərlərini eşitdikcə qürur hissi keçirirlər. Sarayın kollektivi əsgərlərimizə və həmçinin səfərbərlik xidməti orqanları tərəfindən ordu sıralarına çağırılan əməkdaşlarına bu şərəfli yolda uğurlar arzulayır.

Allah Ali Baş Komandanımızı və Ordumuzu qorusun!