Bakı Şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sistemi (MKS) öz işini virtual formada sosial şəbəkələrdə də davam etdirir.

Mərkəzi Kitabxananın şöbə müdiri Aysel İsmayılova "Dünyanın 5 ən gözəl kitabxanası" və "Dünyanın 5 ən böyük kitabxanası" adlı videoçarxlar hazırlayıb.

Dünyanın 5 ən gözəl kitabxanası videoçarxı Danimarkanın Dokk1, Türkiyənin Bəyazid Dövlət Kitabxanası, Norveçin Vennesla Kitabxanası, ABŞ-ın Çikaqo İctimai Kitabxanası və İngiltərənin Bermingem Kitabxanasına həsr olunub. Dünyanın 5 ən böyük kitabxanası videoçarxında isə ABŞ-ın Konqres Kitabxanası, Britaniya Kitabxanası, Nyu-York İctimai Kitabxanası, Rusiya Dövlət Kitabxanası və Rusiya Milli Kitabxanası haqqında məlumat verilir.